由細到大，我地都被灌輸好多普羅大眾都認同既價值觀， 包括要奉公守法，愛護環境，好人有好報，惡人有惡報等。
人大個左， 對呢個世界，或者身邊既人既瞭解多左， 就發現呢個世界上有好多大人做既事，都違背左自己既價值觀。
最簡單既例子係執到銀包，普世價值係拾金不昧。 對於自己黎講，其實係一件麻煩事，因為要交去警署。 身邊總有人會認為你蠢，「地上執到寶，問天問地羅唔到」， 並且他地好奇點解要麻煩自己交銀包去警署。
「因為拾遺不報係罪。」 「人地既錢/證件/相係晒入面，對人地黎講佢又麻煩又傷心，對於自己黎講唔好意思keep/dum。」 「交左警署3-4個月冇人認領就可以渣正牌羅走佢d錢，同自己利益冇衡突，更何況我又唔係等錢洗。」
政治/環境層面，某國工業缺乏監控，污染嚴重。 污染令民眾身體出現問題，同時破壞自己國家既風景。 污染物更飄去其他地區/國家，令其他地區/國家既居民食唔安坐唔落。 點解會缺乏監控？金錢利益。
用比較本土既例子。 某個城市既一班高官因為金錢利益，將所有本土既資源， 小至奶粉、床位等雞毛蒜皮既資源， 大至學位、居民身份等對人有終身影響既資源。 幾乎拱手相讓比某國。
果班高官做既錯係岩定係錯？ 如果佢地做既野係岩，咁點解果個城市既人會怨天怨地？ 如果佢地做既野係錯，咁點解佢地仲未有報應？
小人我都係一個重視利益既人，只不過我重視既利益係長遠並且sustainable既。 有人做d違背我利益既野，我都會感覺好唔舒服。 我只可以咁講，若然未報，時辰未到。
係咪我出世果個年代公民教育做得太好，搞到我呢代唔重視金錢利益，唔短視， 定係普世價值本身有問題，金錢利益應該極需被重視，並且我地應該做一個短視既人？