Minecraft呢隻電子遊戲真係好得意， 見到大家玩紅石，起野，開server玩。 大家玩得咁開心，我都真係幾羨慕。
我都想係Minecraft用一磚一瓦砌自己既理想世界出黎。 技術我係冇，但我可以學、可以練。 時間都唔係冇，我可以搾出黎。 問題就係光陰同熱誠，呢兩樣野唔係永恆。
每次經過樓下公園，就會見到d幾細個既細路仔係到玩。
樓下公園係一個充滿童年回憶既地方， 以前仲係讀緊小學既時候， 每日放學，除左睇卡通之外，最開心就係去公園同人玩。 有時候會同人玩捉依因，有時候會睇人打GBA。
大家三唔識七，但係係公園大家都係聚埋一齊玩， 只可惜以前科技冇咁發達，做friend只係做到一日。
依家，大個少少既細路都唔會去樓下公園玩。 佢地會玩電子遊戲，當中玩Minecraft既細路係最多。
每一個Minecraft server都係一個公園， 大家三唔識七，但係係Minecraft server入面大家都係聚埋一齊玩， 只可惜依家科技咁發達，素未謀面就可以做friend， 做friend太簡單，大家都冇乜友情可言。
公園整到有大有幾靚都好，我都最多只會逗留一陣， 影下相，欣賞下風景，都係人生樂事之一。 同小朋友玩就免了，大家唔係同一個年代既人。